Großregion SaarLorLux
Website Thomas Abel

›De Rohmdieb‹

Die Mame spurt noo: Erausbringe will ich: 

Wer holt jede Da‹ de Rohm von de Millich? 

Im Haus isch doch ke Hund un ke Katz! 

»War ich’s, will ich sterwe do uff dem Platz!«, 

Schweerts Lisa. Un »Ich war’s nit«, heult’s Lenche. 

Ach Gott! Das Kerlche isch noch so kleenche; 

Das kann noch nit »Jo« sahn un noch nit »Nee«. 

Das heult nur for de Ann’re ihr Schlä‹. 

Jede Da‹ sa’t die Mame: »Erausbringe will ich«; 

Jede Da‹ verschwind de Rohm von de Millich —. 

Die Märe sa’n nimmeh ‑«Jo« nimmeh »Nee«, 

Well’s kemeh Wert hat — sie krie’n doch ihr Schlä‹. 

Die Mame isch wesche. Es Lisa un’s Lenche 

gotschle im Hof erum mit’m Wäänsche, 

Un denke nit dran — wo das Karelsche isch … 

Die Millich steht heut nit kalt uff’m Disch —. 

Heut steht se hinne — noch uff’m Eebche. 

Un brurrelt un dampft noch — gliehrich im Häbche. 

Es Karelche sieht nur un riecht denne Rohm. 

Es Lenche un’s Lisa gucke nit noo’m … 

Die gotschle als im Hof mit dem Wäänche. 

Ach Gott! Das Karelche isch ganz alleensche —. 

E Krääsch! E Krääsch! Die Nochberschfraa rennt! 

E Händche isch zu’me Klumpe gebrennt. 

Sie kommt un sieht wie das Karl’che sich wenselt —. 

Dapper, dapper dem Bu’che es Händsche gebänselt, 

Mit Wärreöl un gestreckt un verbunn! 

Das kreischt un kreischt noch e annerthalb Stunn —; 

Nohd isch’r läärisch un fangt an se gumbe, 

de Nochber’sch im Arem — es Händche im Lumbe. 

Die Mame kommt un verschreckt ball se dood. 

»Ach Gott! Do komm ich sicher zu spoot!«.

»Es isch nit so schlimm«, lacht die Nochber’sch »der schlooft! 

Euer Rohmdieb — hat sich sellwer geschtrooft!«.

                                      

(von Karl Uhl) 

   

Quelle: Festschrift — 40 Jahre Grundschule Schillerschule St. Ingbert